ಇಬ್ಬನಿ

ಹೊಸ ದಾರಿ, ಹೊಸ ವರ್ಷ

2011-12-25T07:34:00.000-08:00

ದಿಟವಾಗಲಿ ಕರೆ

ಪುಟಿದೇಳಲಿ ಮನ

ತಡವೇತಕೆ ನಿಲುವು

ಮನದೇಗುಲ ಬೆಳಕಾಗಲಿ

ಜಗದೆಲ್ಲಡೆ ಒಲವು

ಮಡುಕಟ್ಟಿದ ಹಳೆನೀರದು

ಮಡಿಯಾಗಲಿ ಬೆಂದು

ತನುವಾಗಲಿ ಹದ ಭೂಮಿಯು

ಹೊಸ ನೀರಲಿ ಮಿಂದು

ಅದೇ ಸೂರ್ಯಮ, ಅದೇ ಚಂದ್ರಮ

ಇದೆ ಭೂಮಿಯು ಸಹಜ

ಬದಲಾವಣೆ ಬೇಕಾಗಿದೆ

ಮನುರಾಜನ ತನುಜ

ನಿಜದರ್ಥದಿ ಪರಕೀಯವು, ಪರಕಾಯವು

ಪರದೈವವೆ ಇಲ್ಲ

ಅವ ನಮ್ಮವ, ಜಗ ನಮ್ಮದು

ಅನಿಕೇತನರೆಲ್ಲ

ನಾಡ ಬೆಳಸಿ

2011-11-01T00:24:00.000-07:00

ತಾಯ ಒಡಲೊಳು

ಭಾವದ ನೂರೆಂಟು ಕೊಠಡಿ

ಜೀವ ನಾವಿಗೆಯಲಿ

ದಿನವು ಭಾವ ಲಹರಿ

ಭೀಕರ ಕಾರ್ಮೋಡಗಳ ಬಿಟ್ಟು ಓಡಿ,

ತೆಳು ಮೋಡವಾರಿತು

ಒಣಭೂಮಿ ನೋಡಿ

ವಾತ್ಸಲ್ಯವೆಂಬುದು ಅಬ್ಬರವು ಅಲ್ಲ

ಹನಿ ನೀರ ಕುಡಿದ ಕುಡಿಯೇ ಇದ ಬಲ್ಲ

ಭುವಿಗೆ ಕಾಲನೂರಿ, ಭಾನ್ದಳವನು ತೋರಿ,

ಹಕ್ಕಿಯಾಗೆನ್ದಳು ತಾಯಿ ನಮಗೆ

ಕೋಳಿ-ಕೋಗಿಲೆ, ಕಾಗೆ-ಗುಬ್ಬಿ, ಭಾತು-ಹದ್ದು

ಆರಸಿಕೋ ಮಗು ನಿನಗ್ಯಾವುದು ಬೇಕು ಅದೇ ಮದ್ದು

ತಾಯೆ, ನಿನ್ನ ನಗೆ ಹಲವು ಬಗೆ
ಇಲ್ಲಿ ಜನ್ಮವದೆ ಧನ್ಯವು;

ಸುರಿದ ಮಳೆ, ಹರಿವ ಜಲ,

ಭಾಷೆ ಅದು ಜೊನ್ನ ರಾಶಿ

ಬಿಡು ಉಳಿಸುವ ಮಾತ;

ಮುಂದಿರುವುದು ಬೆಳಸುವ ಮಾತೊಂದೆ

ಹುಡುಕಾಟ

2011-08-31T10:02:00.000-07:00

ನನ್ನ ನಾ ಕಾಣಬೇಕೆಂದು ಬೆಳಗ್ಗಯೇ ಎದ್ದು

ಪೂರ್ವಾಭಿಮುಖವಾಗಿ ಭೂಮಿಯ ತುದಿಯವರೆಗೆ ಹೋಗಬೇಕೆಂದು ನಡೆದೆ

ಸೂರ್ಯ ಮೇಲೆರುತ್ತಲಿದ್ದ, ದಿಕ್ಕು ಬದಲಿಸಬೇಕಾಯ್ತು

ಪ್ರೀತಿಸಿದಷ್ಟೆ ದ್ವೇಷಿಸುತ್ತೇನೆ

2011-08-31T09:56:00.000-07:00

ಬದುಕೇ ನಿನ್ನನ್ನು ಪ್ರೀತಿಸಿದಷ್ಟೆ ದ್ವೇಷಿಸುತ್ತೇನೆ
ಸಹಿಷ್ಣುತೆಯ ಗಡಿರೇಖೆಯ ಎಳೆಯಾಗಿದ್ದಕ್ಕೆ
ಧ್ಯಾನಕ್ಕೆ ಹೊಕ್ಕು ಪರಮಗುರುವಾಗಿದ್ದಕ್ಕೆ
ಮಾನಕ್ಕೆ ಅಂಜಿ ಮೀನವಾಗಿ ತಳನೀರಿನಲ್ಲಿ ಈಜಿದ್ದಕ್ಕೆ

ಬದುಕೇ ನಿನ್ನ ಮೆಟ್ಟಿ ಧೂಳಾಗಿಸಿ ಹೀಯಾಳಿಸುತ್ತೇನೆ
ಅನಿಶ್ಚಿತ ಕನ್ನಡಿಯ ಪ್ರತಿಬಿಂಬವಾಗಿದ್ದಕ್ಕೆ
ಲತಾಂಗೆಯ ಉಡುಪ ಮೇಲಿನ ಪುಷ್ಪಗುಚ್ಚದಂತೆ ಅಲೌಕಿಕವಾಗಿದ್ದಕ್ಕೆ
ಗೌರವಿಸುತ್ತೇನೆ ಮತ್ತೆ ಮತ್ತೆ ಆವಿಯಾಗಿ ಮೋಡವಾಗಿ ಮಳೆಯಾಗಿದ್ದಕ್ಕೆ

ತೆರದ ಪುಸ್ತಕದಲ್ಲಿ, ಬಿಳಿಯ ಹಾಳೆಯ ಮೇಲೆ
ಬರೆಯಬಹುದಿತ್ತೆಷ್ಟು ಕವನ
ಬರೆದದ್ದು ಒಂದೇ ಪದ, ನಡೆದದ್ದು ಹೆದ್ಧಾರಿ

ಗುರಿಯಿರದ ನೆಡೆಯಲ್ಲಿ ಹಿಂದಿನೆಜ್ಜೆಗೆ ಮುಂದಿನೆಜ್ಜೆಯೇ ಸೌಬಾಗ್ಯ

... ಆದರೂ ಬಿಡು ತೃಪ್ತಿಯಿದೆ ಜೀವಿಸಿದಷ್ಟು ದಿನ ಸಾಯಲಿಲ್ಲವೆನ್ನುವುದು ...!

ನೋಡು ಇಲ್ಲಿ ಮತ್ತದೇ ಸಮಾಧಾನದ ಮಾತು, ಅದಕ್ಕೇ ಬದುಕೇ

ನಿನ್ನನ್ನು ಪ್ರೀತಿಸಿದಷ್ಟೆ ದ್ವೇಷಿಸುತ್ತೇನೆ

ಬನ್ನಿ ಬನ್ನಿ ಸಾಗುವ

2011-08-18T12:59:00.000-07:00

ಸುತ್ತುವರಿದ ಹತ್ತು ಕಣ್ಣೆ
ಮತ್ತದೇಕೆ ನಿಲುಗಡೆ
ಸತ್ತು ಹೋಯ್ತು ನೆನ್ನೆ, ನೆನ್ನೆ
ಇಂದು ನಿನ್ನ ಬಿಡುಗಡೆ

ಚಿಂತೆಯಂತೆ, ಸಂತೆಯಂತೆ
ಕಷ್ಟ ಬಾಳೆ ಪುಷ್ಟಿಯು
ನಿಷ್ಠೆ ಹಿಂದೆ, ಸ್ಪಷ್ಟ ಮುಂದೆ
ಇಷ್ಟ ಪಟ್ಟು ನಡೆ ನಡೆ

ದಯೆಯೆ ಬ್ರಹ್ಮ, ಭ್ರಮೆಯೇ ಮರ್ಮ
ಕ್ರಿಯೆಯೆ ಜೀವಧರ್ಮವು
ಜಗವ ನಾವು ಬಳಸಿ ಬರುವ

ಹೆರುವ ದಿಟ್ಟ ನಡೆ ನುಡಿ

ಬನ್ನಿ ಬನ್ನಿ; ನಾವು ಮುಂದು ನೀವು ಮುಂದು

ಎಲ್ಲ ಒಂದೆ ಸಾಗುವ

ಆತ್ಮವನ್ನ ಬೆಳಸಲಿಕ್ಕೆ

ಪರಮಾತ್ಮನನ್ನು ಕೊಲ್ಲುವ

ಅರ್ಥ ನಾನಾರ್ಥ

2011-08-18T12:17:00.000-07:00

ಮತ್ತದೇ ಕೂಗು, ಹಿಂಬದಿಯ ಆಲಾಪ
ಒಮ್ಮೆಲೇ ಉಕ್ಕುವ ಉತ್ಸಾಹ
ಮಧ್ಯೆ ಉಲ್ಭಣಿಸುವ ಆಕ್ರಂಧನ

ಹಾರಾಡುತ್ತಿದ್ದ ಬರಡು ಮೋಡಗಳು

ಹುಗಿದ ನಾಲ್ಕ್ಹನಿಗಳು

ಬೆತ್ತಲೆ ಮನದಲ್ಲಿ ಮೂಡಿದ ನುಡಿಮುತ್ತುಗಳು

ಇಂಪು ಕಾಣದ ಹೃದಯದ

ಕಂಗಳಲಿ ತಂಪು ಕಂಬನಿಗಳು

ಬೆಂಕಿ ಬಿದ್ದ ನಾಡಿನಲ್ಲೂ ನಗುವ ಬೆಳದಿಂಗಳು

ಅಬ್ಬಾ!!! ಸ್ವಪ್ನವಲ್ಲದ, ಸ್ಪಷ್ಟವಿಲ್ಲದ ಬದುಕು

ಅರಿತೋ, ಅರಿಯದೆಯೋ ನಡೆದ ಬಾಳುಮೆ

ನಾನಾರ್ಥವಡಗಿದೆ ದಿನವು ರಂಗಭೂಮಿ

ದೀಪದ ಹಣ್ಣು

2011-02-08T21:08:00.000-08:00

ನಿಧಿಯಿದೆ ಮನೆಯೊಳಗೆ ಅಗೆಯುವವರಿಲ್ಲ
ಬೆಳೆಯಿದೆ ಜಗದೊಳಗೆ ಕೊಯ್ವವರೇ ಇಲ್ಲ
ಹದವಿರುವ ಹೃದಯವಿದೆ ಮೊಗ ನಗಲೆ ಇಲ್ಲ
ಜಗದಾತ್ಮನ ಇಹವು ಸುಖ ಕಾಣಲಿಲ್ಲ

ದೇವನಿರುವನೋ ಏನೋ ಜನ ತಿಳಿಯಲಿಲ್ಲ
ಮಲಗಿರುವ ಮನ ದೇವನೇಳಲಿಲ್ಲ
ಕೊಲ್ಲಲು ದೇವನನು ಧೈರ್ಯವಿಲ್ಲ
ತಿಳುವಳಿಕೆ ಇಲ್ಲದ ಬಾಳಾಯಿತಲ್ಲ

ಸ್ವಚ್ಛ ಕನ್ನಡಿ ಒಡೆದು ಹುಚ್ಚಾಯಿತಲ್ಲ
ಕಿಚ್ಚು ಪಾಶ್ಚಿಮವರಡಿ ಧರ್ಮವೇ ಇಲ್ಲ
ಧರಣಿ ಮಂಡಲ ಗೋವು ತಿರುಗಿ ಬರಲಿಲ್ಲ
ಸತ್ತು ಬದುಕಿದ ಬವಣೆ ನಮದಾಗಿತಲ್ಲ

ಬದಲಾವಣೆ ಮತ್ತೆ ತಿರುಗಿ ಬರಲಣ್ಣ
ಭಾವಾಗ್ನಿ ಹುಕ್ಕಿ ತೆರೆಯಲೀ ಕಣ್ಣ
ಕಂಪ ಸೂಸಲಿ ಭೂ ತಾಯ ಮಣ್ಣು
ಪ್ರತಿ ಜೀವಿಗೆ ಸಿಗಲಿ ದೀಪದ ಹಣ್ಣು

ಮೋಕ್ಷ

2011-01-07T03:16:00.000-08:00

ಉತ್ತುಂಗದೊಳು ನಿಂತು, ಮತ್ತಾನ್ಗನನು ಸುತ್ತಿ
ಗತ್ತುನುಡುಗೆಯ ಉಟ್ಟಡೆ
ಚಿತ್ತದೊಳು ಚಿಳುಮೆಯಿದೆಯೆನ್ದಲ್ಲ

ಮಣ್ಣಿನೊಳಗೂಳಿದರು ಮತ್ತೆ ಮೊಳೆವೆನೆಂಬ ಛಲವಿದ್ದೊಡೆ
ಅಂಧಾನುಕರಣೆ ಅಟ್ಟಿ ಮುಂದಾಗಿ ನಡೆದೊಡೆ
ಚಂದನದ ಗೊಂಬೆಯಾಗುವೆ ನೀನು ಚಂದಮಾಮ

Be the tree

2010-08-10T00:16:00.000-07:00

It pains when the leaves get withered
in rainy season
without any reason

But the tree has understood
that enough water is not good
it decided to look ugly and let her cells alive

Be the tree
do the positive
someday even there is no fruit though
you will find the log

ನೀ ಸಾಗು

2010-06-24T21:28:00.000-07:00

ಕಂಬನಿ ಮಳೆಯಿದೆ ಮೃದುವೆ
ತಾಳು ಭಯವೇಕೆ ನಾನಿರುವೆ
ಮುಚ್ಚುವೆ ಸೆರಗಲಿ ಬಂದು
ಬೆಚ್ಚಗಿರುವೆಯಂತೆ ಮುಂದೆ

ಮನುವು ನೊಂದರೆ, ಜಗವು ತಿಳಿವುದು
ದುಡಿದು ಸೋತರೆ, ದೇಹ ಬಲಿವುದು
ವ್ಯಾಪಾರವೆಂದು ತಿಳಿ, ವ್ಯಾಯಾಮವೆಂದು ತಿಳಿ
ಕಷ್ಟ ನಷ್ಟ ಮರೆತುಬಿಡು ನಾಳೆ ನಿನ್ನದೇ

ಕಾಯುತ ನಿಲ್ಲಬೇಡ ನಾ ಬರುವೆನೆಂದು
ನೀ ಯಾರೋ ನಾ ಅವನೆ
ಮಂದೆಯೇ ನೆನೆಯುತಿದೆ, ನೀ ಸಾಗು
ನೀನಡೆದರೆ ನಾನಿರುವೆ, ನಾ ಬರುವೆ ಜೊತೆಗೆ
- ಚಂದಮಾಮ

ಮಂದೆ - ಜನರ ಗುಂಪು

ಅಂದು, ಇಂದು ಮತ್ತು ಮುಂದೆ ?

2010-04-09T03:15:00.000-07:00

ಆಡಿದ ದಿನಗಳು, ನೋಡಿದ ಜನಗಳು
ಕಾಡುವ ಮನಗಳವೆಷ್ಟೋ
ಭಾವಾನತರಂಗದಲಿ ಜೀವಾತ್ಮನನು ತಂದ
ಮಾಸದ ಕ್ಷಣಗಳವೆಷ್ಟೋ

ಅಂದು ಬಾಲಕನಿದ್ದೆ, ಇಂದು ನಾವಿಕನಾದೆ
ಚಂದವಿತ್ತು ದಾರಿ ಹೂವನಗಳಲಿ
ಮಂದ ಬೆಳಕೂ ಇತ್ತು, ತುಂಬು ಚಂದಿರನಿತ್ತು
ಕಂದರದಿ ಛಲವಿತ್ತು ಅಂದದಲಿ ಅರಿವಿತ್ತು

ಚಂಚಲನೆದೆ ಹಣ್ಣು, ಮಂಥನದಲೆ ಕಣ್ಣು
ತಂತು ಬಡಿದವವೆಷ್ಟೋ ಅಂತರವಿರದೆ
ಕಂತುಗಳವು ತೀರಿ, ಸಂತೆಗಳ ತಾ ಹಾರಿ
ಅರಿವಿನಂತವನೇರಲೆಷ್ಟೋ ದಿನವು

ಹಂತ ಹಂತವು ಪಾಠ, ಚಿಂತನೆಯು ರಸದೂಟ
ಬದುಕಿನರ್ಥವು ಮರ್ಮ ಕಲಕಬೇಡ
ಅರಿತು ನಡೆ, ಕಲಿತು ನುಡಿ
ಹರಸಿ ಹೊಳೆ, ಮರೆತು ನಗು ನಾ ಕಲಿತುದಿಷ್ಟೇ

ಕನಸು ಮತ್ತು ನೀತಿ

2010-04-09T02:58:00.000-07:00

ಹತ್ತು ಕನಸುಗಳಿರಲಿ ಗೆಳೆಯ ಚಿತ್ತದರಸನಲಿ
ಮುತ್ತಂತೆ ಇರಲಿ ಅವು ಮತ್ತಾಗದಿರಲಿ

ಸಿದ್ದಿ ಸಿದ್ಧಾಂತಗಳು ಸದ್ದಿಲ್ಲದಿರಲಿ
ಮಂತ್ರವಾಗದೆ ಜಗಕೆ ಅವು ಮುಕ್ತಿ ತರಲಿ

ಗತ್ತು ಗಾಂಭೀರ್ಯಗಳು ಕತ್ತಮೀರದಿರಲಿ
ಕಿತ್ತು ತಿನ್ನದೆ ಅವು ಕೈ ಹಿಡಿಯುವಂತಿರಲಿ

ಅರುಣ ಸುಧೆ ಮರಣನೊದೆ ಇದ್ದದ್ದೇ ಇರುವುದೇ
ನಿತ್ಯ ನಿಜ ಕರುಣೆಯೆಂದರಿವುದೇ ಬಾಳು

ನಂಬಿಕೆ

2010-04-08T06:18:00.000-07:00

ಆಸ್ತಿಕಗೆ ನಾಸ್ತಿಕಗೆ ವ್ಯತ್ಯಾಸವೆಲ್ಲಿ,
ಪರರ ನಂಬಿಕೆಯೊಂದು ತನ್ನ ನಂಬಿಕೆಯೊಂದು
ಅರ್ಪಣೆಯ ತರ್ಪಣದಿ ಜಗವೆಲ್ಲ ಒಂದು

ಮಗು ಮತ್ತು ಮನೆಯ ಪರಿಸರ

2010-03-11T10:24:00.000-08:00

ದಟ್ಟವಾದ ಕಾಡಿನಲ್ಲಿ ಪುಟ್ಟದೊಂದು ಮನೆಯ ಕಟ್ಟಿ
ಚಿಕ್ಕ ಪುಟ್ಟ ಮಕ್ಕಳನ್ನು ಬಿಟ್ಟುಬಿಟ್ಟರು

ಪುಟ್ಟಪುಟ್ಟ ಮಕ್ಕಳೆಲ್ಲ ಬೆಟ್ಟದಂತೆ ದೊಡ್ಡದಾಗಿ
ಕಟ್ಟುಪಾಡು ಇಲ್ಲ ದಂತೆ ಬೆಳದು ಬಿಟ್ಟರು

ಅಡವಿ ಜನಗಳಂತೆ ಅವರು ವಕ್ರವಾದ ಹಾದಿಯಲ್ಲಿ
ಕೆಟ್ಟದಾಗಿ ಓಡಿ ಓಡಿ ಬಿದ್ದುಬಿಟ್ಟರು

ಇದನು ತಿಳಿದ ತಂದೆ ತಾಯಿ, ತಪ್ಪ ತಿಳಿದು ನೊಂದು ನೊಂದು
ಬುದ್ಧಿ ಮಾತಾ ಹೇಳಿ ಹೇಳಿ ನೆಟ್ಟಗಾದರು

ಎದೆಯ ಅನುರಾಗ

2010-03-11T09:54:00.000-08:00

ಅನುರಾಗ ತುಂಬಿ ಬಂತು, ಈ ಜಗಕೆ ಹೂಮಳೆಯ ತಂತು
ಹೃದಯದಲಿ ಜೇನನಿಯ ತುಂಬಿ, ಸಂತಸದಿ ಕಂಬನಿಯ ತಂತು

ಕಾಲ್ಗಲವು ಗೆಜ್ಜೆ ಕಟ್ಟಿದಂತೆ, ಕುಣಿದಿರಲು ನೆಲವು ನಡುಗುವಂತೆ
ಕಂಪಿಸಿದೆ ಈ ನನ್ನ ಹೃದಯ ತನ್ನ ಮನವು ಕೇಳಿದಂತೆ

ಕಣ್ಗಲವು ಆ ತಾರೆಯಂತೆ ಮಿನುಗುತಲಿ ಬೆಳಕ ಸೂಸುವಂತೆ
ಭಾನ ಚಂದ್ರಮನ ಕೂಡಿ ತಂಪಾಗಿ ಬೆಳಗುವಂತೆ
ನಲಿಯುತಿದೆ ಈ ನನ್ನ ಮನವು ನರ್ತಿಸುವ ನವಿಲಿನಂತೆ

ಹಾರಿದೆ ಈ ನನ್ನ ಮನವು ನಲಿವ ಹಕ್ಕಿಯಂತೆ
ಹುಡುಕುತಲಿ ಆ ನಿನ್ನ ಒಲವ ಶಿವನ ಭಕ್ತನಂತೆ
ಚುಂಬಿಸಿದೆ ಹೃದಯ ನಿನ್ನ ನೆನಪ, ನೇಸರನು ಜಲವ ಮುಟ್ಟುವಂತೆ

ಮನಕೆ ಬೇಡಿಯಿರಲಿ

2010-03-11T09:45:00.000-08:00

ಮನವು ಜಗವ ಕಂಡು ನಗುತಿದೆ
ಜಗ ಹೃದಯ ಭಾವ ಕಂಡು ನಗುತಿದೆ
ಅಳುವ ಸರದಿ ಯಾರಿಗಿದೆಯೋ ಮುಂದೆ
ಮನಕೆ ಬೇಡಿಯಿರಲಿ

ಜಗದಿ ನೂರು ನೋವುಗಳುಂಟು
ನಗುವು ತೋರಿಕೆ ತಾನು
ದುಗುಡ ಎಲ್ಲಿದೆಯೋ ಅರಿಯೆ
ಮನಕೆ ಬೇಡಿಯಿರಲಿ

ಬದುಕು ಓಡುವ ನೀರು
ಮನವು ಜೀವದ ಮೀನು
ರೆಕ್ಕೆ ಬಡಿಯುವ ಮುನ್ನ
ಮನಕೆ ಬೇಡಿಯಿರಲಿ

ವಿಧಿಯ ಗೊಂಬೆಯು ನಾವು
ಒಳಿದ ಮಾಡದಿರೇನು
ಕೆಡುಕ ಮಾಡದಲೇನೇ ಎಂದು
ಮನಕೆ ಬೇಡಿಯಿರಲಿ

ಶುಭಂ

2010-03-11T09:26:00.000-08:00

ನೋಟ ನೋಟದಿ ಮನವು ಮಿಡಿದವು
ಆ ಮಾತಿನಲ್ಲಿಯೇ ತನುವು ಕುಣಿದವು
ಹೃದಯ ಅರಳುತ ತುಂಬು ಒಲವ ಪಡೆದವು

ಯುಗಾದಿಯಲ್ಲಿ ಒಲವ ಗಿಡವು ಚಿಗುರಿತು
ಗೌರಿಯಲ್ಲಿ ಒಲವ ಸಲಿಗೆ ಬೆಳೆಯಿತು
ವರ್ಷದಂತ್ಯಕೆ ಮನದಿ ಮಾಡುವೆ ಮುಗಿಯಿತು

ಹೂವ ವನವ ಸುತ್ತುತ ಪ್ರೇಮ ಲ
ಜಡಿಮಳೆಲಿ ನೆನೆಯುತ ಪ್ರೀತಿ
ಹುಕ್ಕಿ ಹೋಯಿತು ಕೊನೆಗೆ ಮನೆಗೆ ಸೇರಿತು

ಅಪ್ಪ ರೇಗಿತು, ಅಮ್ಮನಳಲು ಕೂಗಿತು
ಅಣ್ಣನ ಕಿಡಿಯು ಕಾರುತ
ಒಲವ ಕುಸ್ತಿ ಸಾರಿತು

ವಿರಹ ಗೀತೆಯಾಯಿತು, ಒದೆಯುವಾಟವಾಗಿತು
ಮಧುರ ಒಲವು ಗೆದ್ದಿತು
ಕೊನೆಗೆ ಸಿನಿಮ ಮುಗಿಯಿತು
-- ಶುಭಂ

ನುಡಿ ನಡೆ

2010-03-10T11:14:00.000-08:00

ನುಡಿಯೇ ವಸಂತ, ನಡೆಯೇ ಅನಂತ
ಗಡಿಯ ಭಯವೇಕೆ ಅದಕೆ
ಮಡಿಯೇ ತಾನಾಗಿ ಗುಡಿಗೆ ಬರುವಾಗ
ಪೂಜಾರಿ ನಿನಗೇಕೆ ಬಯಕೆ

ಮನಸು ಶ್ರೀಗಂಧ, ಹೃದಯ ಹೂವಂದ
ಗಿಡದ ಹೂವೇನು ಚೆಂದ
ಭಕುತಿ ತಾನಾಗಿ ಹರಿದು ಬರುವಾಗ
ತೋರಿಕೆ ಮಾತೇಕೆ ಕಂದ

ನುಡಿಯ ನುಡಿದಂತೆ ನಡೆದು ಬರುವಾಗ
ಜಗದ ಭಯವೇಕೆ ನಿನಗೆ
ದೇವರೆ ಎಂದೆಂದು ಜೊತೆಯಲ್ಲಿ ಇರುವಾಗ
ಎಡವೋ ಕನಸೇಕೆ ಮನಸೆ

ನವ ನೀತಿ

2010-03-10T10:45:00.000-08:00

ಈ ಜನ್ಮವೊಂದು ಕೊಳ್ಳುವ ಸಂತೆ
ಇಲ್ಲಿ ದುಡಿಯುವೆಯೋ ಇಲ್ಲ ಕಳೆಯುವೆಯೋ ಇದು ನಿನ್ನಯಾ ಕಂತೆ
ಆ ಕಂತೆ ಕಟ್ಟುತಾ ಚಿಂತೆ ಮರೆಯುತಾ ನಡೆಯುವುದೇ ಬಾಳು
ಕಲಕಿ ನೋಡುವೆನೆಂದರೆ ಬರಿ ಗೋಳು

ಈ ಭೂಮಿಯೊಂದು ರಂಗಮಂಟಪದಂತೆ
ಇಲ್ಲಿ ಸುಮ್ಮನಿರುವೆಯೋ ಇಲ್ಲ ಬಣ್ಣ ಬಳಿಯುವೆಯೋ ನೀ ಪಾತ್ರಧಾರಿಯಂತೆ
ನೀ ಆ ನಟನೆಯ ನಿರ್ವಹಿಸುವುದೇ ಧರ್ಮ
ಎದುರೋರಟರೆ ಇಲ್ಲ ಜನ್ಮ

ಆ ಜನರ ಹೃದಯ ಕಲ್ಲು ಬಂಡೆಯಂತೆ
ಹೂವ ಎಸೆಯುವೆಯೋ ಉಳಿ ಹೊಡೆಯುವೆಯೋ ಯೋಚಿಸು ನಿನ್ನ ಮನಸಿನಂತೆ
ಧೃಡಕವಚ ತೊಟ್ಟು ಹೋರಾಡುವುದೇ ಬಾಳು
ಅರಿತು ನಡೆದರೆ ಗೆಲುವು

ಹಸಿರು ಪ್ರಿಯತಮೆ

2010-03-10T10:10:00.000-08:00

ನಾಚಿ ಹೋಗಿದೆ ಹಸಿರು ನಾಚಿ ಹೋಗಿದೆ
ಆ ಬೀಸೋ ಗಾಳಿಗೆ, ತಂಗಾಳಿ ಸ್ಪರ್ಶಕೆ
ನಾಚಿ ಕೆನ್ನೆ ತುಂಬಿ ಹೋಗಿದೆ

ಆ ರೆಂಬೆ ಕೊಂಬೆಯು ಕೈ ಕರೆದು ನಿಂತಿದೆ
ಕನಸ ಕಂಡಿದೆ, ಮೈ ಮರೆತು ಹೋಗಿದೆ
ಪ್ರಿಯನನ್ನು ನೆನೆದು ನೊಂದು ನಿಂದಿದೆ

ಅಲುಗಾಡೋ ರೀತಿಯು ಹೆಣ್ಣ ಸೊಂಟದಂತಿದೆ
ಸೂರ್ಯಕಿರಣವು ಪ್ರಿಯನ ಮುತ್ತಿನಂತಿದೆ
ಆ ಬೀಸೋ ಗಾಳಿಯು ಅಪ್ಪೋ ರೀತಿಯಂತಿದೆ

ಆ ಮಳೆಯ ಸೇರಲು, ಹೂ ಮಳೆಯ ನೀಡಲು
ನೆಲದಿ ಹಸಿರು ಹಾಸಿದೆ
ಜಗಕೆ ಉಸಿರ ನೀಡಿದೆ

ಲವ್ವಿದು ಪ್ಯೂರಿದೆ ಬಾರೆ

2006-12-07T01:22:00.000-08:00

ಲವ್ವಿದು ಪ್ಯೂರಿದೆ ಬಾರೆ
ಇದಕ್ಕೊಡೆದರೆ ಕ್ಯೂರಿಲ್ಲ ನೀರೆ
ಕ್ಯಾಟ್ ವಾಕಲ್ಲಿ ಬಂದಿಲ್ಲಿ ಕೂರೆ

ಈ ಮನಸಿದು ಸ್ಮೂತಿದೆ ಬಾರೆ
ಇದಕೆ ನೈಫಾಕ ಬೇಡವೇ ನೀರೆ
ಈ ಮನಸಲೇ ನೆಲೆಸು ನೀ ಬಾರೆ

ಈ ಜಗಕೆ ನನ ಮಾತು ಜೋರೆ
ಆದರೆ ಹೃದಯದಿ ಮಿಲ್ಕಿನ ನೊರೆ
ನೀನದರಲಿ ಕೆನೆಯಾಗು ಬಾರೆ

ನನ ಲವ್ವಿಗೆ ಲವ್ವಾಗು ಬಾರೆ
ನನ ಸೂಟಿಗೆ ಟೈಯಾಗು ಬಾರೆ
ನನ್ನ ಹಾರ್ಟ್ ಗೆ ಬೀಟಾಗು ಬಾರೆ

ಮಿಲನ

2006-12-07T00:43:00.000-08:00

ಮಿಲನ ಆ ಮಿಲನ, ನಿನ್ನ ಕಣ್ಣಿನ ಆ ಮಿಲನ
ಹೊಡೆಯಿತು ಎನ್ನದೆಗೆ ಬಾಣ
ಚೂರಾಯಿತು ಈ ಪ್ರಾಣ

ನಿಜವೋ ಆ ನೋಟ ಮಜವೋ
ತಿಳಿಯದಾದೆನು ನಾನಂದು
ಒಲವ ತೋರಬಾರದ ನೀನಿಂದು

ನನ ಕಲ್ಲಿನ ಆ ಹೃದಯ
ಕಂಪಿಸಿದೆ ಇಂದು
ನಿನ ಒಲವಲಿ ತಾ ಮಿಂದು
ಹಾಡಿದೆ ಈ ಕವನ

ನನ್ನ ತನು ಮನದ ನೀರೆ
ದಯೆ ತೋರುತ ನೀ ಬಾರೆ
ನನ ಕನಸಲೂ ನೀ ಬಾರೆ
ನನ ನನಸಲೂ ಎರೆ ಧಾರೆ