ದೀಪದ ಹಣ್ಣು

ನಿಧಿಯಿದೆ ಮನೆಯೊಳಗೆ,

ಅಗೆಯುವವರಿಲ್ಲ.

ಬೆಳಕಿದೆ ಜಗದೊಳಗೆ,

ಕೊಯ್ವವರೇ ಇಲ್ಲ.

ಹದವಿರುವ ಹೃದಯವಿದೆ,

ಮೊಗ ನಗಲೆ ಇಲ್ಲ.

ಜಗದಾತ್ಮನ ಇಹವು,

ಸುಖ ಕಾಣಲಿಲ್ಲ.

ದೇವನಿರುವನೋ ಏನೋ,

ಜನ ತಿಳಿಯಲಿಲ್ಲ.

ಮಲಗಿರುವ ಮನದ ದೈವ,

ನೇಳಬೇಕಲ್ಲ.

ಇರುವುದನ ಪ್ರಶ್ನಿಸುವ,

ಎದೆಗಾರಿಕೆ ಇಲ್ಲ.

ತಿಳುವಳಿಕೆ ಇಲ್ಲದ ಬಾಳು,

ಬಾಳಾಯಿತಲ್ಲ.

ಬದಲಾವಣೆ ಮತ್ತೆ,

ತಿರುಗಿ ಬರಲಣ್ಣ.

ಭಾವಾಗ್ನಿ ಹುಕ್ಕಿ,

ತೆರೆಯಲೀ ಕಣ್ಣ.

ಕಂಪ ಸೂಸಲಿ,

ಭೂ ತಾಯ ಮಣ್ಣು.

ಪ್ರತಿ ಜೀವಿಗೆ,

ಸಿಗಲಿ ದೀಪದ ಹಣ್ಣು.

ನಾನಿರುವೆ, ನಾ ಬರುವೆ ಜೊತೆಗೆ

 ಕಂಬನಿ ಮಳೆಯಿದೆ ಮೃದುವೆ, ತಾಳು ಭಯವೇಕೆ ನಾನಿರುವೆ

ಮುಚ್ಚುವೆ ಸೆರಗಲಿ ಬಂದು, 

ಬೆಚ್ಚಗಿರುವೆಯಂತೆ ಮುಂದೆ

ಮನುವು ನೊಂದರೆ, ಜಗವು ತಿಳಿವುದು
ದುಡಿದು ಸೋತರೆ, ದೇಹ ಬಲಿವುದು
ವ್ಯಾಪಾರವೆಂದು ತಿಳಿ, ವ್ಯಾಯಾಮವೆಂದು ತಿಳಿ
ಕಷ್ಟ ನಷ್ಟ ಮರೆತುಬಿಡು ನಾಳೆ ನಿನ್ನದೇ

ಕಾಯುತ ನಿಲ್ಲಬೇಡ ನಾ ಬರುವೆನೆಂದು
ನೀ ಯಾರೋ ನಾ ಅವನೆ
ಮಂದೆಯೇ ನೆನೆಯುತಿದೆ, ನೀ ಸಾಗು
ನೀನಡೆದರೆ ನಾನಿರುವೆ, ನಾ ಬರುವೆ ಜೊತೆಗೆ

ನನ್ನ ಒಡವೆ

ಇಂತದೊಂದು ಒಡವೆ ನನಗೆ
ಎಂತ ಬಂದು ಸೇರಿತೊ
ಮಂಥನಗಳ ಹೊಡೆತದಲ್ಲಿ
ನನ್ನ ಹೇಗೆ  ಸೇರಿತೊ





ಜೀವನದಲೆ ಅಸ್ತಿರದಲಿ
ಭಾವ ತೊಳೆವ ದುಸ್ಥಿತಿಯಲಿ
ಮಸ್ತಕದೊಲೆ ಕಳವಳದಲಿ
ಪುಸ್ತಕದೊರೆ ಭಾರದಲ್ಲಿ

        ಇಂತದೊಂದು ಒಡವೆ ನನಗೆ

        ಎಂತ ಬಂದು ಸೇರಿತೊ

        ಮಂಥನಗಳ ಹೊಡೆತದಲ್ಲಿ

        ನನ್ನ ಹೇಗೆ  ಸೇರಿತೊ

ಬಳುವಳಿಯಲಿ  ಬಂದುದಲ್ಲ
ಯಾರೋ ಕಳೆದುಕೊಂಡುದಲ್ಲ
ಬೆಳೆಸಿ ಬಳಸಿ ಪಡೆದುದಲ್ಲ
ಕೊಳ್ಳದಂತ, ಪಡೆಯದಂತ, ಬೆಳೆಯದಂತ ಒಡವೆ ಇದು
        ಇಂತದೊಂದು ಒಡವೆ ನನಗೆ
        ಎಂತ ಬಂದು ಸೇರಿತೊ
        ಮಂಥನಗಳ ಹೊಡೆತದಲ್ಲಿ
        ನನ್ನ ಹೇಗೆ  ಸೇರಿತೊ

ಮನುಷ್ಯನಾಗಿ ಹುಟ್ಟಿದ ಮನುಷ್ಯ ಮನುಷ್ಯನಾಗಿಯೇ ಬಾಳಲು ಮನಸ್ಸು ಶಾಂತವಾಗಿರಬೇಕು 

ಹೊಸ ದಾರಿ, ಹೊಸ ವರ್ಷ

ದಿಟವಾಗಲಿ ಕರೆ 

ಪುಟಿದೇಳಲಿ ಮನ 

ತಡವೇತಕೆ ನಿಲುವು 

ಮನದೇಗುಲ ಬೆಳಕಾಗಲಿ 

ಜಗದೆಲ್ಲಡೆ ಒಲವು 

ಮಡುಕಟ್ಟಿದ ಹಳೆನೀರದು 

ಮಡಿಯಾಗಲಿ ಬೆಂದು 

ತನುವಾಗಲಿ ಹದ ಭೂಮಿಯು 

ಹೊಸ ನೀರಲಿ ಮಿಂದು 

ಅದೇ ಸೂರ್ಯಮ, ಅದೇ ಚಂದ್ರಮ 

ಇದೆ ಭೂಮಿಯು ಸಹಜ 

ಬದಲಾವಣೆ  ಬೇಕಾಗಿದೆ 

ಮನುರಾಜನ ತನುಜ 

ನಿಜದರ್ಥದಿ ಪರಕೀಯವು, ಪರಕಾಯವು 

ಪರದೈವವೆ ಇಲ್ಲ

ಅವ ನಮ್ಮವ, ಜಗ ನಮ್ಮದು 

ಅನಿಕೇತನರೆಲ್ಲ 

  

ನಾಡ ಬೆಳಸಿ

ತಾಯ ಒಡಲೊಳು 

ಭಾವದ ನೂರೆಂಟು ಕೊಠಡಿ 

ಜೀವ ನಾವಿಗೆಯಲಿ 

ದಿನವು ಭಾವ ಲಹರಿ 

ಭೀಕರ ಕಾರ್ಮೋಡಗಳ ಬಿಟ್ಟು ಓಡಿ, 

ತೆಳು ಮೋಡವಾರಿತು   

ಒಣಭೂಮಿ ನೋಡಿ 

ವಾತ್ಸಲ್ಯವೆಂಬುದು ಅಬ್ಬರವು ಅಲ್ಲ 

ಹನಿ ನೀರ ಕುಡಿದ ಕುಡಿಯೇ ಇದ ಬಲ್ಲ 

ಭುವಿಗೆ ಕಾಲನೂರಿ, ಭಾನ್ದಳವನು ತೋರಿ,

ಹಕ್ಕಿಯಾಗೆನ್ದಳು ತಾಯಿ ನಮಗೆ 

ಕೋಳಿ-ಕೋಗಿಲೆ, ಕಾಗೆ-ಗುಬ್ಬಿ, ಭಾತು-ಹದ್ದು 

ಆರಸಿಕೋ ಮಗು ನಿನಗ್ಯಾವುದು ಬೇಕು ಅದೇ ಮದ್ದು 

ತಾಯೆ,  ನಿನ್ನ ನಗೆ ಹಲವು ಬಗೆ
ಇಲ್ಲಿ ಜನ್ಮವದೆ ಧನ್ಯವು;

ಸುರಿದ ಮಳೆ, ಹರಿವ ಜಲ,

ಭಾಷೆ ಅದು ಜೊನ್ನ ರಾಶಿ 

ಬಿಡು ಉಳಿಸುವ  ಮಾತ; 

ಮುಂದಿರುವುದು ಬೆಳಸುವ ಮಾತೊಂದೆ  

ಹುಡುಕಾಟ

ನನ್ನ ನಾ ಕಾಣಬೇಕೆಂದು ಬೆಳಗ್ಗಯೇ ಎದ್ದು 

ಪೂರ್ವಾಭಿಮುಖವಾಗಿ ಭೂಮಿಯ ತುದಿಯವರೆಗೆ ಹೋಗಬೇಕೆಂದು ನಡೆದೆ

ಸೂರ್ಯ ಮೇಲೆರುತ್ತಲಿದ್ದ, ದಿಕ್ಕು ಬದಲಿಸಬೇಕಾಯ್ತು